Job 11-14 Bible Study | The Most Pitiable Man | யோபு 11-14 வேத ஆராய்ச்சி கட்டுரை | Jesus Sam

யோபு 11 - 14*

*அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்* 💠

☄️ *"நான் என் பற்களில் என் சதையைப் பிடுங்கி, என் பிராணனை என் கையிலே வைப்பானேன்? அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்.”* (யோபு 13:14-15).

💥 யோபு தான் ஏன் இந்த கஷ்டங்களை அனுபவிக்கவேண்டும் என்பதை புரிந்து கொள்ள முடியாவிட்டாலும், *தன் பெருந்துயரங்களுக்காகத் தேவனை குறை சொல்ல* தயாராக இல்லை. ஆனால், அவன் *உறுதியோடு தேவனை நம்பினான்.* அவனுடைய நண்பர்கள் *பக்தியுள்ளவர்கள் பாக்கியவான்கள், பாவிகள் மட்டுமே துன்பப்படுவார்கள்* என்ற தவறான எண்ணம் கொண்டிருந்தார்கள். யோபு தனது வழக்கைக் கர்த்தரிடம் சமர்ப்பித்து, தனது துன்பத்திற்கான காரணத்தை அறிய விரும்பினான். ஆனால், அவனுடைய நண்பர்கள் அவனுடைய வாதத்தைக் கேட்க மறுத்து, அவன் *கொடூரமான பாவங்களை செய்திருப்பான் என்று குற்றஞ்சாட்டினார்கள்.* யோபு, தான் தேவனை மாத்திரம் முழுமையாகச் சார்ந்திருப்பதைப் பற்றி மகத்தான வார்த்தைகளை பிரகடனப்படுத்தினான்: *”அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்.”* (யோபு 13. :15). இந்த வார்த்தைகளால், யோபு சாத்தானுடைய, தானறியாத குற்றச்சாட்டுகளுக்கும், தனது நண்பர்களுடைய, தானறிந்த குற்றச்சாட்டுகளுக்கும் சரியான பதிலைக் கொடுத்திருந்தான்.

💥 பரலோகத்தில் நடக்கும் தேவனுக்கும் சாத்தானுக்கும் இடையிலான மோதலை யோபு அறிந்திருக்கவில்லை. யோபுடைய நண்பர்களும் அறிந்திருக்கவில்லை. *மற்ற கிறிஸ்தவர்களின் ஆவிக்குரிய நிலையை அவர்களின் வெளியரங்கமான சூழ்நிலைகளை வைத்து மட்டுமே நாம் மதிப்பிடக்கூடாது.*

💥 தான் தேவனால் கொல்லப்பட்டாலும் அவரையே நம்பும் அளவுக்கு யோபுடைய ஆழமான நம்பிக்கை தேவன் மேல் இருந்தது. நம் பாடுகள் அனைத்தையும் தேவன் அறிவார். *"தேவன் நமக்கு அடைக்கலமும் பெலனும், ஆபத்துக்காலத்தில் அனுகூலமான துணையுமானவர்."* (சங்கீதம் 46:1). *நம்முடைய விசுவாசத்தை வலுப்படுத்தவும், ஆவிக்குரிய வளர்ச்சியை மேம்படுத்தவும் தேவன் நமக்குப் பாடுகளை அனுமதிக்கிறார்.*

💥 நமக்கு தீமை விளைவிக்கும் எதையும் தேவன் ஒருபோதும் திட்டமிடமாட்டார் என்று வேதம் போதிக்கிறது: *"நான் உங்கள்பேரில் நினைத்திருக்கிற நினைவுகளை அறிவேன்; அவைகள் தீமைக்கல்ல, சமாதானத்துக்கேதுவான நினைவுகளே.”* என்று கர்த்தர் சொல்லுகிறார் (எரேமியா 29:11). நாம் எவ்விதப் பாடுகளை சந்தித்தாலும், *உறுதியோடு தேவனை நம்பிக்கொண்டிருந்தால், இறுதியில் எல்லாம் நன்மையாகவே முடியும்.*

💥 நம் வாழ்க்கையில் புயல்களை சந்திக்கும்போது, தேவனை உறுதியோடு பற்றிக்கொண்டிருப்போமாகில், தேவன் எல்லாவற்றையும் நமக்கு சாதகமாக மாற்றுவார். *நாம் வேண்டிக்கொள்ளுகிறதற்கும் நினைக்கிறதற்கும் மிகவும் அதிகமாய் நமக்குள்ளே கிரியைசெய்கிற வல்லமையின்படியே, நமக்குச் செய்ய வல்லவர்.* (எபேசியர் 3:20) என்று தேவனைக் குறித்து பவுல் சாட்சி கொடுக்கிறான்.

💥 ஒரு மனிதன் *எல்லாவற்றையும் இழந்த பிறகு அவன் வாழ்க்கை கசப்பானாதாகவோ அல்லது சிறப்பானாதாகவோ மாறலாம்.* நாம் பாடுபடும்போது, முன்னெப்போதும் இல்லாத வகையில் தேவனைச் சார்ந்திருக்க வேண்டிய கட்டாயத்தில் இருக்கிறோம். அவர்மீது நாம் வைக்கும் நம்பிக்கை நன்மையையே தரும். பவுல் அறிவிக்கிறான்: “உபத்திரவம் பொறுமையையும், பொறுமை பரீட்சையையும், பரீட்சை நம்பிக்கையையும் உண்டாக்குகிறதென்று நாங்கள் அறிந்து, உபத்திரவங்களிலேயும் மேன்மைபாராட்டுகிறோம்.”* (ரோமர் 5:3-4). நமக்கு வரவிற்கும் ஆசீர்வாதங்களைப் பற்றி நாம் சரியாக அறிந்திருந்தால், நாம் துன்பங்களைச் சகித்துக்கொள்ள முடியும். பவுலின் வார்த்தைகள்: *“இக்காலத்துப் பாடுகள் இனி நம்மிடத்தில் வெளிப்படும் மகிமைக்கு ஒப்பிடத்தக்கவைகள் அல்லவென்று எண்ணுகிறேன்.”* (ரோமர்கள். 8:18).

🔹 *நமக்கு தீங்கு விளைவிக்கும் எதையும் தேவன் ஒருபோதும் திட்டமிட மாட்டார் என்ற உறுதியான விசுவாசம் நமக்கு இருக்கிறதா?*

✅ நாம் கற்றுக் கொள்ளும் *பாடங்கள்*:

1️⃣ *நம்முடைய விசுவாசத்தை வலுப்படுத்தவும், ஆவிக்குரிய வளர்ச்சியை மேம்படுத்தவும் தேவன் நமக்குப் பாடுகளை அனுமதிக்கிறார்.*

2️⃣ *நமக்கு தீமை விளைவிக்கும் எதையும் தேவன் ஒருபோதும் திட்டமிடமாட்டார்.*

3️⃣ *நமக்கு வரவிற்கும் ஆசீர்வாதங்களைப் பற்றி நாம் சரியாக அறிந்திருந்தால், நாம் துன்பங்களை மகிழ்ச்சியுடன் சகித்துக்கொள்ள முடியும்.*

Dr. எஸ். செல்வன்

சென்னை

என் சாட்சியம்

கர்த்தரைப் போற்றுவோம்!

210, 240, 270, 300, 330 மற்றும் 365 நாட்கள் வேத வாசிப்பு திட்டத்தின் ஒரு பகுதியாக இருக்க எனக்கு வாய்ப்பளித்த கர்த்தருக்கு நன்றி கூறுகிறேன்.

என் அத்தை பெஸ்ஸி சுஜாதா இந்த நிகழ்ச்சியை எனக்கு அறிமுகப்படுத்தினார். இது எனது ஆன்மீக வாழ்க்கையில் முறையான மற்றும் நிலையான முறையில் வளர எனக்கு உதவியது. என் வாழ்க்கையிலும், என் அன்புக்குரியவர்களின் வாழ்க்கையிலும் ஆன்மீக ஒழுக்கத்தை கொண்டு வந்த வேதவாசிப்புத் திட்டத்திற்காக நான் கர்த்தருக்கு நன்றி கூறுகிறேன்.

சங்கீதம் 34:8அ-ல் நாம் வாசிக்கிறபடி, “கர்த்தர் நல்லவர் என்பதை ருசித்துப் பாருங்கள்” என்பது எனக்குப் பொருத்தமானது. அவருடைய வார்த்தையை முறையாகப் படிப்பதன் மூலம், நான் ஒரு வளமான அனுபவத்தைப் பெற்றுள்ளேன், மேலும் எனது இரட்சகருடனான எனது உறவு மேலும் வலுப்பெற்றுள்ளது.

சங்கீதம் 119:105 கூறுகிறது, "உம்முடைய வார்த்தை என் கால்களுக்கு தீபமாகவும், என் பாதைக்கு வெளிச்சமாகவும் இருக்கிறது"

மேலும் எனது அன்புக்குரியவர்கள் பலரின் வாழ்க்கையை மாற்றியமைப்பதில் எங்கள் வேத வாசிப்புத் திட்டம் முக்கிய பங்கு வகிக்கிறது.

நுண்ணறிவுகள் கர்த்தருடைய வார்த்தையைப் பற்றிய அறிவை நமக்கு மிகவும் வளப்படுத்துகின்றன, ஊக்கமளிக்கின்றன மற்றும் அறிவூட்டுகின்றன.

ரெவ. சி.வி. ஆபிரகாம் மற்றும் டாக்டர் ஈ. கிறிஸ்துதாஸ் அவர்களின் தொடர்ச்சியான பிரார்த்தனை ஆதரவு, வழிகாட்டுதல் மற்றும் ஊக்குவிப்புக்காக நான் கர்த்தருக்கு நன்றி கூறுகிறேன். இந்த திட்டத்தில் நிர்வாகியாக, ஒருங்கிணைப்பாளராக மற்றும் மெகா ஒருங்கிணைப்பாளராக பணியாற்றுவதற்கு அவர்கள் எனக்கு வாய்ப்பளித்தனர், இதன் மூலம் மேலும் பல நெருங்கிய மற்றும் அன்பானவர்களை இந்த திட்டத்தின் ஒரு பகுதியாக கொண்டு வரவும், நான் அனுபவித்தது போல் ஆன்மீக உணவையும் அனுபவத்தையும் அனுபவிக்கவும் எனக்கு உதவியது.

நாம் அனைவரும் கர்ததருடைய வார்த்தையான "ஆவியின் பட்டயத்தை" நமது கவசமாக எடுத்துக்கொண்டு, நம் அன்புக்குரியவர்கள் அனைவரையும் இந்த திட்டத்தின் ஒரு பகுதியாக இருக்க ஊக்குவிப்போம்.

நமது 365 நாட்கள் வேத வாசிப்புத் திட்டத்தில் நம் குழுவில் அங்கம் வகிக்கும் அன்பர்களின் எண்ணிக்கையை இரட்டிப்பாக்க நமது ஆண்டவரும் இரட்சகருமாகிய இயேசு கிறிஸ்துவிடம் பிரார்த்திக்கிறேன்.

இந்த வேதவாசிப்புத் திட்டத்திற்காக நமது எல்லாம் வல்ல தேவனுக்கு நன்றி.

சுஜாதா சாமுவேல், பெங்களூர், இந்தியா

வெட்டிப் போடப்பட்ட மரமும், மனித வாழ்க்கையும்.*

~~~~~~~~~~~~~~~~~~~~~~~~~~~~~~~~~~~~

யோபு 14: 7 - 12.

1. ஆம், *வெட்டிப்போடப்பட்ட அநேக மரங்கள் திரும்பவும் தழைக்கும் என்ற நம்பிக்கை உண்டு. அதின் வேர் பழையதாகி, அதின் அடிக்கட்டை மண்ணிலே செத்தாலும், மழை பெய்யும் போது, தண்ணீரின் வாசனையால் அது துளிர்க்கும். இளமரம் போல் கிளை விடும்*. இதை நாம் அநேக வேளைகளில் பார்த்திருக்கிறோம்.

2. ஆனால், *மனித வாழ்க்கையோ பூவை போல, நிழலை போல வாழ்நாள் மிகவும் குறுகியதாக காணப்படுகிறது. இந்த மரம் திரும்ப துளிர்ப்பது போல, அவன் திரும்ப இந்த உலகில் வாழ அவனுக்கு தருணம் கொடுக்கப்படுவதில்லை.

*அவன் ஏரியிலிருந்து வடியும் தண்ணீர் வற்றி சுவறுகிறது போல மனுஷன் படுத்து கிடக்கிறான். வானங்கள் ஒளிந்து போகுமட்டும் அவன் எழுந்திருப்பதில்லை* என யோபு கூறுகிறார்.ஆம், அவருடைய வருகையிலே கிறிஸ்துவுக்குள் மரித்தவர்கள் முதலாவது எழுந்திருப்பார்கள். 1தெசலோனிக்கேயர் 4: 16, 17.

3. ஆனால் நம்முடைய குறுகிய இந்த உலக வாழ்க்கையில் நம் ஆத்துமா மரணம் அடைந்தவர்களாய் அநேகர் இந்த வெட்டிப்போட்ட மரத்தை போல, பிரயோஜனமற்றதாய், கனியற்றதாய் வாழ்ந்து கொண்டிருக்கலாம். ஆனால் *இவர்கள் வாழ்க்கை துளிர்க்கும் படியாய், கனி கொடுக்கும் படியாய் நம் கர்த்தராகிய இயேசு கிறிஸ்து வேத வசனமாகிய, பரிசுத்த ஆவியாகிய ஜீவ தண்ணீரை நமக்கு தருகிறார். ஆம், இந்த ஜீவ தண்ணீரின் வாசனை, மரித்து போன நம் வாழ்க்கையை, ஆத்துமாவை துளிர்க்கப்பண்ணும். கனி கொடுக்க செய்யும்.*

ஆம், நம்மை நாமே ஆராய்ந்து பார்ப்போம். *விட முடியாத பாவங்களினால் ஆத்துமா மரித்து, நாம் ஜீவ தண்ணீரை பருக முடியாமல் இருப்போமானால், இன்றே இந்த ஜீவ தண்ணீரின் வாசனை நம் வாழ்க்கையில் வீசட்டும் . நம் வாழ்நாள் குறிகியது. ஆகவே காலத்தை பிரயோஜனப்படுத்தி, அவருடைய வருகையில் நாம் எழுப்பப்படும் படியாய் நம்மை ஆயத்தப் படுவோம்.*

4. தாங்க முடியாத பாடுகளின் மத்தியில் கடந்து செல்கிற யோபு, சிநேகிதரால் குற்றப்படுத்தப்படும் *இந்த சூழ்நிலையிலும் இந்த விலேயேறப்பெற்ற சத்தியத்தை நமக்கு கற்று தருகிறார். நாமும் கூட பல பாடுகள், நஷ்டங்கள், நிந்தைகள் மத்தியில் கடந்து செல்கிறோமா? நம்மையும் கூட அநேகர் இந்த சத்தியத்தை அறிந்து , பட்டு போன அவர்கள் வாழ்க்கை துளிர்த்து கனி கொடுக்க, அவருடைய வருகையில் எழுப்பப்பட உபயோகிப்பாராக.* ஆமென். அல்லேலூயா.

*Dr.Padmini Seĺvyn*

*யோபு 11-14*

*எப்பொழுதும்* *தேவனை*

*நம்புவோம்*..

யோபு தனது துயரத்திற்கான காரணத்தை.. தனது நண்பர்களோடு விவாதித்துக் கொண்டிருந்தபோது,

அவனது சிந்தனையில் வெளிப்பட்ட குழப்பங்களை.. மூன்று கேள்விகளாக தனது நண்பர்களிடம் வெளிப்படுத்தினதை

யோபு 14ம் அதிகாரத்தில்..

நாம் பார்க்கிறோம்..

அந்தக் கேள்விகளுக்கான

பதில்கள் யாவும்.. இயேசு கிறிஸ்துவில் மட்டுமே உண்டு என்பது..நமக்கு ஆச்சரியத்தையே உண்டாக்குகிறது..

*முதலாவதாக* யோபு..

“அசுத்தமானதிலிருந்து சுத்தமானதைப் பிறப்பிக்கத்தக்கவன் உண்டோ? ஒருவனுமில்லை” என்று கூறுகிறான்..

(யோபு 14 :4)

யோபுவின் கேள்வி. அவனது இதயத்திலிருந்து வருகிறது.. தேவன் பரிசுத்தர்..மனிதராகிய நாம் பாவிகள்..

ஆகையால், மனிதனுக்கும் தேவனுக்கும் இடையில்.. மிகப் பெரிய இடைவெளி உள்ளது,

பாவியான மனிதன் பரிசுத்தமாவது எப்படி..அதைச்

செய்யத்தக்கவன் ஒருவனுமில்லையே

என்று நினைக்கிறான்..

ஆனால், யோபுவின் வேதனையான கேள்விக்கு.. இயேசு கிறிஸ்து பதிலாகிறார்..

அவர் நம்முடைய பாவத்திற்கான தண்டனையை ஏற்றுக்கொண்டு..தம்முடைய நீதியை நமக்குத் தந்து.. தேவனுடைய பார்வையில் நம்மை நீதிமான்களாக்கி..

தேவன் நம்மை ஏற்றுக்கொள்ளும்படி செய்திருக்கிறார்.

(எபி . 10:14;

கொலோ. 1:20-21;

2 கொரி. 5:17).

யோபுவின் *இரண்டாவது* *கேள்வி*, “மனுஷனோவென்றால் செத்தபின் ஒழிந்துபோகிறான், மனுபுத்திரன் ஜீவித்துப்போனபின் அவன் எங்கே?” என்பதாகும்..

(யோபு 14 :10).

இதற்கும் இயேசு கிறிஸ்துவில் மட்டுமே பதிலுண்டு..

மனிதன் மரிக்கும்போது..

அவன் சரீரம் மட்டுமே மரிக்கிறது..ஆவி மரிப்பது இல்லை..

இவ்வுலகில் கிறிஸ்துவுடன் வாழ்ந்தால் ..மரணத்திற்குப் பின்னும் , பரலோகத்தில் அவரோடு நித்திய வாழ்வு.. உண்டு..

கிறிஸ்து இல்லாமல் வாழ்ந்தால்..

புறம்பான இருளில், நித்திய அழுகை மற்றும் பற்கடிப்பு உண்டாயிருக்கும்..

(மத்தேயு 25:30).

யோபுவின் *மூன்றாவது கேள்வி*, “மனுஷன் செத்தபின் பிழைப்பானோ?” என்பதாகும்..

(யோபு 14 :14)

நாம் கிறிஸ்துவுக்குள்,

கிறிஸ்துவோடு

வாழ்ந்தால்.. நாம் மரித்தாலும்

மீண்டும் உயிரோடு எழும்புவோம்.

“அழிவுள்ளதாகிய இது அழியாமையையும், சாவுக்கேதுவாகிய இது சாவாமையையும் தரித்துக்கொள்ளும்போது, மரணம் ஜெயமாக விழுங்கப்பட்டது என்று எழுதியிருக்கிற வார்த்தை நிறைவேறும்.

மரணமே! உன் கூர் எங்கே? பாதாளமே! உன் ஜெயம் எங்கே?” என்று

நாம் அறிக்கை செய்வோம்..

(1 கொரி. 15:54-55).

யோபுவின் காலத்தில்..

தேவனுடைய

வேதம் கிடையாது..

தேற்றரவாளனாகிய பரிசுத்த

ஆவியின் வழிநடத்துதலைக் குறித்த..சரியான புரிதலும் கிடையாது..ஆனாலும், பல்வேறு பாடுகளுக்கு மத்தியிலும்.. யோபுவுக்குத் தேவன் மேலிருந்த விசுவாசம்.. நம்மைப்

பிரமிக்கவைக்கிறது..

*நம் வாழ்வின் எல்லாச்* *சூழ்நிலைகளிலும்..தேவனை* *நம்புவதற்கு..யோபுவின் புத்தகம்* *நமக்குக் கற்பிக்கிறது*.

*நாம் எப்பொழுதும் தேவனை* *நம்பவேண்டும்*..

*நமக்குக் காரியங்கள்* *புரியும்போது மட்டுமல்ல*, *நமக்குப் புரியவில்லை* *என்றாலும்..அவரையே* *நம்பவேண்டும்*.

*சங்கீதக்காரன்*, “*தேவனுடையவழி* *உத்தமமானது*…*கர்த்தருடைய வசனம்* *புடமிடப்பட்டது*…*தம்மை* *நம்புகிற அனைவருக்கும் அவர்* *கேடகமாயிருக்கிறார்..*” *என்று சொல்கிறான்*.

(சங் .18:30).

*தேவனுடைய வழிகள்* “*உத்தமமானவை*”*என்பதால்*, *அவர் எதை அனுமதித்தாலும்*.. *அது சரியானது என்று நாம்* *நிச்சயமாக நம்பலாம்*.

*தேவனை* *நம்புவதும்*, *அவருடைய சித்தத்திற்குக்* *கீழ்ப்படிவதும்..நாம்* *புரிந்துகொண்டாலும்,நாம்* *புரிந்துகொள்ளாவிட்டாலும்*.. *அது நமது பொறுப்பாக* *இருக்கிறது என்பதை*

*ஏற்றுக்கொள்ளுங்கள்*..

*அப்பொழுது ..இம்மையிலும்..மறுமையிலும்*

*ஆசீர்வதிக்கப்படுவீர்கள்*..

ஆமென்.🙏

மாலா டேவிட்.

யோபு.13:23.

☘️☘️☘️☘️☘️

"என்னுடைய அக்கிரமங்களும் பாவங்களும் எத்தனை".

☘️☘️☘️☘️☘️☘️☘️☘️☘️☘️ தேவனுடைய மக்களின் பாவம் எவ்வளவு பெரியது என்பதை நாம் எப்போதாவது எடைபோட்டு சிந்தித்திருக்கிறோமா

இது மிகவும் புனிதமான கடவுளின் குழந்தைகளின் வாழ்க்கையில் பாவத்தின் மொத்த திரட்சியாகும்.

இதை நிவர்த்தி செய்வது , கடவுளின் ஒரே மற்றும் அன்பான மகனான இயேசு கிறிஸ்துவின் இரத்தம்.

தேவதூதர்கள் தங்கள் கிரீடங்களை அவர் முன் வைத்தார்கள்.

பரலோகத்தின் அனைத்து தேவதூதர்களும் அவரது மகிமையான சிம்மாசனத்தைச் சூழ்ந்துள்ளனர்.

எல்லாவற்றிற்கும் மேலாக கடவுள் என்றென்றும் ஆசீர்வதிக்கப்பட்டவர்.

பூவுலகில் வந்த கடவுளின் குமாரனின் இரத்தத்தைத் தவிர வேறெதுவும் நம் குற்றங்களுக்குப் பரிகாரம் செய்ய முடியாது என்பதால், அவர் ஒரு வேலைக்காரனின் வடிவத்தை எடுத்துக்கொள்கிறார். மேலும் துளைக்கப்பட்டு, காயப்பட்டு, கிழிக்கப்பட்டு, கடைசியாகக் கொல்லப்பட்டார்.

தெய்வீக பலியின் எல்லையற்ற மதிப்பை எந்த மனித மனமும் போதுமான அளவு மதிப்பிட முடியாது, கடவுளுடைய மக்களின் பாவம் எவ்வளவு பெரியது.

அதை எடுத்துச் செல்லும் பிராயச்சித்தம் அளவிட முடியாதது.

பாவம் கறுப்புப் பெருவெள்ளம் போல் புரளும் போது, ​​கடந்த கால நினைவுகள் கசப்பாக இருக்கும்போது, ​​மகா பரிசுத்தமான கடவுளின் ஜொலிக்கும் சிம்மாசனத்தின் முன் நின்று, "அவர் யார்? கிறிஸ்து மரித்து உயிர்த்தெழுந்தார்" என்று மன்றாடலாம்.

☘️☘️☘️☘️☘️☘️☘️☘️☘️☘️

மேபி சுந்தர்.சென்னை.இந்தியா.குழு எண்.2196

[14/09, 08:10] +91 99431 72360: 📖 *365 நாட்களில் வேதாகமம்* 📖

📗 *சிறிய குறிப்பு* 📗

🍂 *தேர்வு* 🍂

பல விஷயங்களை எடைபோடுவதற்காக உபயோகிக்கப்படுகின்றன. * கர்த்தர் மீதான நம்பிக்கையை அளவிடுவதற்கான அளவுகோல் சோதனைகள் மற்றும் ஆசீர்வாதங்கள் ஆகும்.* இரண்டுமே * ஆண்டவர் மீதான நமது நம்பிக்கையை அதிகரிக்க அல்லது தேவனை விட்டு நம்மை பிரிக்கும் திறன் கொண்டவை.* அவரது பேரழிவுகளின் போது யோபுவின் அறிக்கை ஆண்டவர் மீது அவருடைய ஆழமான நம்பிக்கையை வெளிப்படுத்துகிறது.

📖 *“அவர் என்னைக் கொன்றுபோட்டாலும், அவர்மேல் நம்பிக்கையாயிருப்பேன்; ஆனாலும் என் வழிகளை அவருக்கு முன்பாக ரூபகாரம்பண்ணுவேன்.” ‭‭(யோபு‬ ‭13‬:‭15‬)*

செல்வம் மற்றும் புகழ் மத்தியில் கர்த்தரை நம்புவதில் யோபு வெற்றி பெற்றார். இப்போது அவர் *கஷ்டங்களின் சோதனைக்கு* உட்பட்டிருந்தார். வாழ்க்கையில் திடீர் சவால்கள் அவரை உலுக்கியது. *ஆனால் அது ஆண்டவர் மீதானஅவ௫டைய நம்பிக்கையை அசைக்கத் தவறிவிட்டது.* விசுவாசத்தின் இரண்டு சோதனைகளிலும் யோபு திறமையுடன் தேர்ச்சி பெற்றார். * நம்மைப் பற்றி என்ன? விசுவாசப் பரீட்சையில் வெற்றி பெறுவோமா?*

_திருமதி ஷீலா ஜெபக்குமார்

ஆசீர்வதிக்கப்பட்ட மக்களுக்கு ஆசீர்வாதமாக இருப்பதற்காக ஆசீர்வதிக்கப்பட்டேன் 👨‍👩‍👦‍👦

🙋‍♂️🙋‍♀️ நாம் *யோபு 14* இல் இருக்கிறோம்

*வாழ்வதற்கு ஒரே ஒரு வாழ்க்கை*

🙋‍♂️ யோபின் நண்பரான *பில்தாத்*, "... *பூமியின்மேல் நம்முடைய நாட்கள் நிழலைப் போலிருக்கிறது*" (8:9) என்று சொன்னது சரிதான். வாழ்க்கை தற்காலிகமானது.

🙋‍♂️ *யோபு* அதை அறிந்திருந்தார், மேலும் அவர் தனது நண்பர்களுக்கு நினைவூட்டுகிறார்: " சகல பிராணிகளின் ஜீவனும், மாம்சமான சகல மனுஷரின் ஆவியும் அவர் கையிலிருக்கிறது. ( *12:7-10* )

🙋‍♂️ *யோபு*, 14:1-2 இல், "... மனுஷன் ஒரு பூவைப் போலப் பூத்து அறுப்புண்கிறான். நிழலைப் போல நிலைநிற்காமல் ஓடிப்போகிறான் என்று கூறினான்.

🙋‍♂️🙋‍♀️ தேவன் வாழ்க்கையைக் கட்டுப்படுத்துகிறார் மற்றும் ஒவ்வொரு நபரும் எவ்வளவு காலம் வாழ வேண்டும் என்பதைத் தீர்மானிக்கிறார் என்பதை ஒப்புக்கொண்டு, யோபு தனது வாதத்தை முன்வைத்து சொல்கிறார், "ஒரு *மரத்தைக் குறித்தாவது நம்பிக்கையுண்டு*: அது வெட்டிப்போடப்பட்டாலும் திரும்பத் தழைக்கும், அதின் இளங்கிளைகள் துளிர்க்கும்.. , ... தண்ணீரின் வாசனையினால் அது துளிர்த்து, இளமரம் போலக் கிளைவிடும் " ( *14:7-9* )

📍ஒரு மனிதனுக்கு வாழ்வதற்கு ஒரே ஒரு வாழ்க்கைதான் உண்டு. நாங்கள் தண்ணீரைப் போல வடிந்து போகிறோம். ( *14:10-11* )

".

📍யோபுவுக்கு அந்த மரத்தைப் போன்ற ஒரு நம்பிக்கை இருந்தது: ..*"எனக்கு மாறுதல் எப்போது வருமென்று காத்திருக்கிறேன்... என்னைக் கூப்பிடும், அப்பொழுது நான் உமக்கு உத்தரவு சொல்லுவேன்.* (14:14 - 15)

🙋‍♂️🙋‍♀️ தண்ணீரின் வாசனையில் ஒரு மரம் *செத்து* மீண்டும் *பிழைக்கிறது* போன்ற யோபின் படங்கள் வியக்க வைக்கின்றன. வாழ்க்கை மிகவும் குறுகியதாக இருந்தாலும், யோபு தனது குறிப்பிடத்தக்க குறிப்பை முன்வைக்க நம்பிக்கையுடன் இருந்தார்:

*" என் மீட்பர் உயிரோடிருக்கிறார் என்றும், அவர் கடைசி நாளில் பூமியின் மேல் நிற்பார் என்றும் நான் அறிந்திருக்கிறேன்...நான் என் மாம்சத்தில் இருந்து தேவனைப் பார்ப்பேன்; அவரை நானே பார்ப்பேன்; அந்நிய கண்கள் அல்ல, என் கண்களே அவரைக் காணும்."* (19:25-27)

ஆம், நாம் வாழ்வதற்கு இந்த ஒரே ஒரு வாழ்க்கை மட்டுமே உள்ளது, பின்னர் நாம் நமது கணக்கைக் கொடுக்க வேண்டும். நம்முடைய விசுவாசத்தை துவக்குகிறவரும் முடிப்பவருமான இயேசுவின் மீது உங்கள் கண்களை வைப்பதன் மூலம் உங்கள் வாழ்க்கையின் நாட்களை உண்மையாக கழியுங்கள்.

தேவனுக்கே மகிமை 🙌

✍️ *மார்க் போஜே*

அருணாச்சல பிரதேசம், இந்தியா 🇮🇳

தமிழாக்கம் ஜஸ்டஸ் ராஜேந்திரன்

யோபு 11 - 14*

*The Most Pitiable Man*

*மிகவும் பரிதாபத்திற்குரிய மனுஷன்*

*யோபு 14:14* -> _*மனுஷன் செத்தபின் பிழைப்பானோ?*_

இந்த முக்கியமான கேள்வியை *யோபு* கேட்டார் *ஆனால் அதற்கு பதில் சொல்லவில்லை*. பின்னர், யோபு எதிர்கால உயிர்த்தெழுதல் பற்றி ஒரு பெரிய அறிக்கையை வெளியிடுவார் [19:25-26]; ஆனால் இந்த கட்டத்தில் அவர் விரக்திக்கும் நம்பிக்கைக்கும் இடையே ஆடிக்கொண்டிருக்கிறார்.

எல்லாருக்கும் *மரணம்* நிச்சயம் என்பதால், இந்தக் கேள்வி போதுமான அளவு கேட்கப்படவில்லை. மரணத்திற்குப் பிறகுள்ள வாழ்க்கையை நம்பாதவர்கள் பலர் உள்ளனர், ஏனென்றால் அவர்களது நம்பிக்கை இந்த கேள்விக்கு பதிலளிக்கத் தவறுகிறது.

*கொரிந்து* ஒரு கிரேக்க நகரமாக இருந்தது, மரித்தோரின் உயிர்த்தெழுதலை *கிரேக்கர்கள் நம்பவில்லை*. *பவுல்* சொன்னார்: _*இம்மைகாக மாத்திரம் நாம் கிறிஸ்துவின் மேல் நம்பிக்கையுள்ளவர்களாயிருந்தால், எல்லா மனுஷரைப் பார்க்கிலும் பரிதபிக்கப்படத்தக்கவர்களாயிருப்போம்*_ [1 கொரி 15:19].

இயேசு கிறிஸ்து *மரணத்தைக் குறித்து ஒன்றும் செய்ய முடியாது* என்றால், அவரால் செய்ய கூடிய மற்ற காரியம் ஒன்றுமில்லை.

*கிறிஸ்தவ வாழ்க்கையின் நம்பிக்கை*, மரித்தோரின் உயிர்த்தெழுதல் என்பது , *பவுல் வாழ்ந்த நம்பிக்கை* மற்றும் அவர் பிரசங்கித்த நம்பிக்கை. அவர் ஆலோசனைச் சங்கத்தின் முன்பாக நின்றபோது: _நான் ஒரு பரிசேயனும் பரிசேயனுடைய மகனுமாயிருக்கிறேன்; *மரித்தோருடைய உயிர்த்தெழுதலைப் பற்றிய நம்பிக்கைக் குறித்து நான் நியாயம் விசாரிக்கப்படுகிறேன் மற்றும் உயிர்த்தெழுதலைப் பற்றிய நம்பிக்கையைக் குறித்து நான் நியாயம் விசாரிக்கப்படுகிறேன்!*_ என்றான். [அப்போஸ்தலர் 23:6].

பரிகரிக்கப்படும் கடைசிச் சத்துரு மரணம். [1 கொரி 15:26], இயேசு கிறிஸ்து இந்த எதிரியை *முழுமையாகவும் நிரந்தரமாகவும் தோற்கடித்தார்*. கிறிஸ்து இல்லாமல் ஒருவன் இருந்தால் *_எல்லா மனிதர்களிலும் அவர் மிகவும் பரிதாபத்திற்குரியவர்_*.

- செர்ரி செரியன், கொச்சி, இந்தியா

தமிழாக்கம் ஜஸ்டஸ் ராஜேந்திரன்

*👁️சிப்பிக்குள் முத்து👁️*

இன்றைய வேத வாசிப்பு பகுதி - *யோபு : 11 - 14*

*👀முத்துச்சிதறல் : 153*

🦋🦋🦋🦋

.....என் மீறுதலையும்,என் பாவத்தையும்.....

*எனக்கு உணர்த்தும்.* (13:23பி)

🦋🦋🦋🦋

உணர்வுள்ள இதயத்துக்காக 🫀

*🙇‍♂️வேண்டுவோம்.🙇‍♀️*

☔☔🔥☔☔

வானலோகில் இறைவனுக்கும், அவரது எதிராளியாகிய சத்துருவுக்கும் நடந்த ஒரு சம்பாஷைனையின் விளைவினால்.... பூலோகில் வாழ்ந்த ஓர் சன்மார்க்க புருஷன் யோபுக்கு கடும் துன்பம் ஏற்பட்டது.

தான் எதற்காக இவ்விதம் துன்புறுகிறார் என்பதை அறிந்துக் கொள்ள அவர் மனம் துடியாய் துடித்த நேரம்... அவரது துன்பத்தை கண்ணுற்ற....... *அவரது நண்பர்கள் "இறையியல் தத்துவ பேச்சாளர்களாக" அவருக்கு உபதேசம் செய்வதும், தங்கள் சுய அனுமானங்களை முன்வைத்து அவரோடு சம்பாஷிப்பதையும் நாம் யோபு நூல் முழுக்க வாசித்து அறியலாம்.*

பாவிகளுக்கு மாத்திரமே துன்பம் வருமேயொழிய

அது பரிசுத்தர்களுக்கு அல்ல, போன்ற நம்பிக்கைகள் அக்காலத்திலும் மாந்தர் மனதில் பதியப்பட்டிருந்த செய்தியாக இருக்கிறது.

*யோபுவின் நண்பர் சோப்பார் என்பவர்,* "உம்முடைய கைகளில் அக்கிரமம் இருந்தால் அதை தூரத்தில் அகற்றி விட்டு.....அநியாயம் உம்முடைய கூடாரங்களில் வாசமாயிருக்க வொட்டாதிரும் என்று கூறிய வார்த்தையினால் (11:14) கலங்கி பதஷ்டமடைந்த யோபு *ஒரு வேளை தான் ஏதேனும் பாவம் செய்திருந்தால் ஆண்டவர் அதனை அவருக்கு "உணர்த்தும்படி" வேண்டி நிற்கிறார்.*

பாவம் கொடியது, அது தீமையை கொண்டு வரும் என்பது யோபுக்கு புரிந்த விஷயமே. ஆகையால் தான் ஒரு பொறுப்புள்ள தகப்பனாக, குடும்ப ஆசாரியன் போல தனது பிள்ளைகளுக்காக அவ்வப்பொழுது பாவ நிவாரண பலியை செலுத்தி வந்தார். ஒருவேளை... என் பிள்ளைகள் பாவம் செய்து கர்த்தரை தங்கள் இருதயத்தில் தூஷித்திருப்பார்கள் என்பதே யோபுவின் சிந்தனையும், அவர் பலியிட காரணமுமாக இருந்தது.

*(1:5)*

இப்பொழுது சோப்பார் கூறியது வேறு அவர் இருதயத்தை துளைக்கவும்.....

*"என் ஆக்கிரமத்தையும், என் பாவத்தையும் எனக்கு உணர்த்தும்" என்கிறார், ஆண்டவரிடம்.*

ஆம்,

*உணர்வுள்ள இதயம் ஆண்டவரின் ஒரு அருட்கொடை எனலாம்.*

தன் அக்கிரமம் தன்னை விட்டு நீக்கப்படவும்

*(7:21)*

தன் உள்ளத்தை தானே அறியவும் *( 9:21)*

தன் மீறுதல்கள் ஒரு கட்டாக கட்டப்பட்டு, முத்திரை போடப்பட்டிருப்பதாகவும், தன் ஆக்கிரமத்தை ஆண்டவர் ஒருமிக்க சேர்த்து வைத்திருப்பதாக கூறுகிறார்.

*(14:17)*

ஆகையால் என் பாவத்தை எனக்கு உணர்த்தும் என்கிறார்.

*"இது ஒரு அழகான ஜெபமாக இருக்கிறது".*

உணர்வுள்ள இருதயத்திற்காக என்றாவது நாம் ஆண்டவரிடம் விண்ணப்பிதுள்ளோமா❓

*வெறும் ஞானம் கறிக்குதவாது.* எவ்வகையான *ஞானத்தோடும் கூட உணர்வுள்ள இதயமும் சேர்ந்து செயல்பட்டால் தான் அங்கு வெற்றி உண்டாகும்.*

📌உணர்வற்ற தோலை உடையோர் யாவரும்.....

*தொழு நோயாளிகளாகவே அழைக்கப்படுகின்றனர்.* சாலமோனுக்கு வெறும் ஞானம் மாத்திரமல்ல், மாறாக ஞானத்தொடும் கூட உணர்வும் தான் அருளப்பட்டிருந்திருப்பினும்,

*(1இராஜா - 3:12)* தனது அந்திய காலத்தில்....

*அவர் அந்த உணர்வினை இழந்தவராகி போனார்.*

இப்படி நடைபெறுவது மனிதர்களுக்கு கஷ்ட காலமாகி விடும்.

🔰🔰❣️🔰🔰

*🦄உணர்வு*

என்று சொல்லப்படும் வார்த்தைக்கு..... *நல்ல 👌👌 "புரிந்துக்கொள்ளுதல்" என்னும் அர்த்தமும் கூட பொருந்துவதாக இருக்கிறது.*

மனிதர்கள் தங்களது தவறு இன்னதென்பதை புரியாத பட்சத்தில், தாங்கள் எந்த தவறுமே செய்யாத சுத்தவானாக தான் *"அவர்கள் பார்வைக்கு தோன்றுவார்கள்".*

🥥🍇🍐

எமது இரட்சகராகிய இயேசு கிறிஸ்து இந்த பூமியில் இருந்த போது அவர் மேல்... *"உணர்வை அருளும் ஆவியானவர்"* தங்கி இருந்தார்.

*(ஏசா - 11:7)*

ஆகையால்..... *"கர்த்தருக்கு பயப்படுதல்"* அவருக்கு உகந்த வாசனையாக இருந்ததாம்.

*(ஏசா -11:2)*

என் ஜனங்களுக்கு "உணர்வே இல்லாததால்", அவர்கள் *பொல்லாப்பு செய்ய அறிவாளிகளாகவும், நன்மை செய்யவோ அறிவில்லாதவர்களாகவும் இருப்பதாக எரேமியா வாக்குரைஞர் இஸ்ரவேல் மக்களை குறித்த இறைவனின் அங்கலாய்ப்பை வெளிபடுத்தினார்.* (எரே -4:22)

உணர்வில்லாத எந்த இருதயமும் இருளை (பாவத்தை)விரும்பி பற்றி பிடித்துக்கொள்ளும் தன்மையினால் நிரம்பி இருக்கும். *(ரோ - 1:21)*

கடின இருதயத்திற்கும் கூட பாவத்தின் அகோர தன்மையை குறித்த எந்த சிந்தனையும் உணர்வும் இராது. *(மாற்கு - 8:17)*

👆இவையெல்லாம் இப்படி இருப்பதால் நாம் அந்த உத்தம பக்தன் கூறியது போல....

*"என் மீறுதலையும், என் பாவத்தையும் எனக்கு உணர்த்தும்"*

என்று மெய்யாகவே ஜெபிக்கும் எந்தவொரு பக்தனுக்கும் அவர் அவன் பாவத்தை அவனுக்கு காண்பியாமல், அல்லது உணர்த்துவியாமல் இரார் என்பதை உணர்ந்து ஜெபிப்போம்.

🎊🎊🎊🌿🎊🎊🎊

யோபு தனது அக்கிரமங்கள் மற்றும் பாவங்கள் ஏராளம் என்று அங்கலாய்த்தார். ஆனால் உண்மையில் கர்த்தர் அவரை குறித்து கூறிய சாட்சி, யோபு உத்தமன், சன்மார்க்கன், தேவனுக்கு பயந்தவன், பொல்லாப்புக்கு விலகி நின்ற நீதிமான் என்பதாம். *ஆனால் அவரோ ஆண்டவரிடம் தன் பாவத்தை தனக்கு உணர்த்தி காண்பிக்க விண்ணப்பித்து நிற்கலானார்.* அப்படி ஆண்டவர் தன் பாவத்தை தனக்கு உணர்த்தி காண்பித்தால்... தாம் அதிலிருந்து மனந்திரும்பவும், புதிய வாழ்வினை பெற்று, துன்பம் நீங்கினவராக வாழவும் விரும்பினார். தேவனோ அவரை தன் அறையை கட்டிக்கொண்டு நிற்கவும், தாம் அவரிடம் கேட்கும் கேள்விக்கு யோபு அதற்குரிய பதிலை மாத்திரம் சொல்லும்படி பணித்தப்போது தான் அவருக்கு புரிந்தது..... *இறைவனை தான் கேள்வி கேட்டது தனது மாபெரும் தவறு என்று.* ஆகையால் தனக்கு தெரியாததையும், தன் புத்திக்கு எட்டாததையும், தான் அறியாததையும் அலப்பியதாக கூறி நின்றார் யோபு.

*(38:3:, 42:3)*

👍நாமும் யோபுவைப் போலவே எம் பாவத்தை கர்த்தர் எமக்கு உணர்த்தி காண்பிக்கும்படி மன்றடுவோம்.

*கர்த்தர் நிச்சயம் பதிலுரை வழங்குவார்.* ஆமென்.

*🍏Sis. Martha Lazar*